Estreamos o mes de agosto con moitas ganas de escribir este post porque cando se publique, en Cabuxa habremos retomado unha das nosas imperdibles rutinas estivais, as feiras de artesanía. Este ano acudimos a Mostrart, a mostra referente da Artesanía en Galicia. Unha convocatoria moi esperada polos que nos dedicamos á elaboración artesan porque despois de meses complicados, significa retomar o contacto directo co público, intercambiar opinións, avanzar en sinerxias e colaboracións e en definitiva, respirar os novos aires dos oficios tradicionais.
Sen caer no tópico da idiosincrasia, é innegable que certas feiras poderían ter denominación de orixe. Mostrart aglutina o enxeño e o saber facer con produtos de calidade avalados por la Asociación Galega de Artesáns (AGA) e Artesanía de Galicia. Cita imprescindible para os amantes do feito a man, en Cabuxa acudimos pertrechados con nosas coleccións de bolsos e o produto estrela da tempada, a mochila de pel: un modelo que pola súa versatilidade, lixeireza e comodidade perfílase -impulsado polo paradigma do “novo lecer” ao aire libre- como o complemento perfecto de viaxes e escapadas e por que non, da rutina diaria. Do 1 ao 15 de agosto, no noso caseta nº 16 (fronte ao Obelisco) tes a oportunidade de descubrir de primeira man as novas estampaxes, cores e combinacións que deseñamos para o modelo “Rosalía”, unha mochila de liñas limpas, con asas axustables e gran capacidade que incorpora dous compartimentos interiores, mosquetón para chaves e un peto antirrobo posterior. Pezas con novas ilustracións de estampaxe indeleble unicamente dispoñibles por tempo limitado e que podes combinar con nosos broches de bolboretas e xoias en pel e prata: colgantes, pulseiras con contas de cerámica ou cristal, pendentes de botón ou longos,… accesorios de artesanía perfectos para lucir bronceado e gozar do verán.
Deseño reúne na súa 37 edición máis de 70 obradoiros , unha cifra récord que reafirma a tendencia en auxe da artesanía e reflicte a crecente sensibilidade cara a modelos de produción máis conscientes e sostibles . En Cabuxa esperámosvos encantados para coñecernos e mostrarvos nosas mellores creacións.
Apenas un mes despois, viaxamos a Madrid para participar do 16 ao 19 de setembro en Bisutex, Salón Internacional da Bixutería e Complementos. Un macro certamen internacional de carácter profesional que reúne unha extensa representación de novidades para a tempada outono/inverno en bisutería, bolsos, cintos, adornos de cabelo, moda, forniturasetc… e por suposto non sector de marroquinería e complementos de pel. Na caseta 4B29 presentaremos de forma oficial a colección de bolsos e complementos “Teatro” e duas líneas inéditas de xoias de artesanía en pel e prata de lei con deseños que se inspiran na natureza e a música: Afrodita e Partituras.
Bisutex supone unha oportunidade de negocio que favorece sinergias profesionais con tendas e provedores, un gran escaparate de novidades e tendencias onde crear lazos comerciais e obter unha visión de conxunto de toda a oferta especializada do mercado. Networking e inspiración en estado puro. Vémonos en Madrid 😉
