Hai poucas cousas tan gratificantes como comprobar que a práctica habitual da reciclaxe está a converterse nun acto de responsabilidade social e modelo dun novo estilo de vida comprometido co medio ambiente. A estas alturas non descubrimos nada novo se dicimos que os recursos do planeta son limitados e que a sobreexplotación e o consumo rápido han levado ao noso fermoso mundo a un equilibrio inestable. A pesar de todo, en Cabuxa cremos que está na man de tod@s poder reverter esta situación, por iso lonxe de atafegar con datos desoladores que os hai e moitos -deforestación, emisións de CO2, contaminación, microplásticos…-, neste post queremos achegar unha visión positiva con ideas e exemplos cotiáns de economía circular para que nosa pegada sexa máis sostible, máis consciente e menos agresiva. Só trátase de cambiar o chip e adquirir novas rutinas.
Como artesáns da pel e o coiro, a diario acumulamos recortes de material que xa sexa polo ADN creativo do noso gremio ou pola conexión coa nosa contorna, reutilizamos en cousas tan básicas e útiles como tiradores para portas e ataderas para as árbores que facemos con retales de pel sobrantes de pezas únicas como a carteira portadocumentos ‘Surco’, ou marcos para fotos e manualidades como o da imaxe que son en realidade o recorte que se refuga ao extraer as pezas dos pendentes e colares de pel e prata da nosa última colección Teatro, un material que a nós xa non nos serve para traballar pero que nas mans dos nenos da aldea que nos visitan no obradorio adquieren unha nova vida. Comprobar que cun pouquiño de imaxinación e apenas esforzo axudamos a reducir o volume de refugallos, e que á vez damos resposta a necesidades comúns, é moi reconfortante
Basta botar a vista atrás para lembrar (e aprender) como os nosos maiores aproveitaban os recursos prolongando o seu vida útil; que levante a man quen non experimentase na súa infancia a maxistral arte da reutilización en toda a súa esencia: vellas camisetas reconvertidas en panos de cociña, cacerolas melladas en orixinais macetas, latas en costureros… Sen sabelo os nosos pais e abuel@s adiantáronse á “nova” tendencia do momento: o UpCycling (supra reciclaxe, ou reciclaxe creativa) unha práctica enmarcada na economía circular e que ten como obxectivo transformar residuos en produtos de valor para minimizar a fabricación de obxectos dun só uso.
No taller Cabuxa, igual que na nosa vida diaria apostamos por procesos e materiais sostibles, por iso en cada novo proxecto de accesorios e complementos estudiamos o mellor aproveitamento da pel para reutilizar os recortes sobrantes e convertelos en pezas útiles (ou o que o modernerío contemporaneo chamaría ser un “upcyler” :). Etiquetas de pel gravadas, cintas de envoltorios e estoxos-regalo, cordóns de zapatos con estampaxe indeleble, atrezos e enganches para bolsos, bisagras de reforzo para axendas e cadernos,…
Somos conscientes de que o noso compromiso coa produción sostible e o medio ambiente é só un granito, pero tamén estamos convencidos de que “moitos granitos” impulsarán un cambio social de verdade. Neste sentido resulta especialmente esperanzador descubrir como pequenos concellos como o noso veciño O Rosal, implantou recentemente na súa xestión a creación dun espazo público para a reparación, intercambio e reutilización de obxectos e materiais. En palabras da súa concelleira de Medio Ambiente, “un proxecto para afastarnos dos modelos de usar e tirar a favor dun modelo adaptado á economía circular”. Bravo!, iniciativas como esta fannos crer que aínda estamos a tempo de cambiar as cousas. Mentres, só quédanos desexar que renda o exemplo a todos os xestores sociais. Desde Cabuxa convidámosche que nos deixes os teus comentarios e cóntesnos as túas experiencias co mundo da reciclaxe.
